Икона преподобного Макария Желтоводского, Унженского
Тропарь преподобному Макарию Желтоводскому, Унженскому
глас 5
Днесь град твой Га́лич тобо́ю хва́лится, в конце́х бо его́ пресве́тло, я́ко ве́лие со́лнце, возсия́л еси́ и чудесы́ твои́ми, преподо́бне Мака́рие, вся озари́л еси́. И ны́не моли́ся Го́сподеви изба́витися душа́м на́шим от пре́лести вра́жия и спасти́ся гра́ду твоему́ от пога́нскаго наи́тия.
Ин тропарь преподобному Макарию Желтоводскому, Унженскому
глас 4
Богому́дрый Желтово́дския оби́тели первозда́телю, Бо́гом поста́вленный мона́шескаго жития́ сто́лпе, благопи́санный досточу́днаго по́стничества о́бразе, Богозда́нный Ду́ха Свята́го сосу́де, златоза́рное Ру́сския земли́ свети́ло всесве́тлое, мо́лим тя, о́тче Мака́рие, светоза́рною моли́тв твои́х луче́ю разреша́й мра́чных страсте́й на́ших о́блак.
